29 Кулун тутар 29.03
  • -13°
  • $ 92,26
  • 99,71

Степанида Артахинова Паралимпиада боруонса мэтээлин хаһаайынынан буолла

11:01, 30 августа 2021
Текст:
Читайте нас на
Яндекс Новости
ЯДВ

Охчут Степанида Артахинова Токиотааҕы Паралимпиадаҕа булкаас хамаанда састаабыгар киирсэн, боруонса мэтээли ылары ситистэ. Блочнай оҕунан ытыыга кини Баир Шигаевы кытары күрэхтэстэ.


Охчуттар булкаас хамаандалар ыккардыларыгар финал аҥардааҕы күрэхтэрэ түмүктэннэ. Боруонса мэтээл иһин Иран уонна Арассыыйа хамаандалара кииристилэр. Күрэхтэһии түмүгүнэн мэтээл Арассыыйа спортсменнарыгар — Степанида Артахиноваҕа, Баир Шигаевка тигистэ. Кыһыл, үрүҥ көмүс мэтээллэри Кытай уонна Турция хамаандалара былдьаһыахтара.

Бүгүн Степанида финал 1/8-гар Ирландия спортсменын Керри-Луиз Леонарды киирсиэ.

Степанида Паралимпиадаҕа иккис боруонса мэтээлэ. Бастакытын 2012 сыллаахха Лондоҥҥа ыытыллыбыт XIV Паралимпийскай оонньууларга биирдиилээн киирсиигэ ылбыта. Кини аан дойду биэс төгүллээх чөмпүйүөнэ, Европа чөмпүйэнээтин кыайыылааҕа. Норуоттар икки ардыларынааҕы кылаастаах спорт маастара, Арассыыйа спордун үтүөлээх маастара.

Следите за самым важным и интересным в Telegram-канале и WhatsApp-группе ЯСИА