24 От ыйа 24.07
  • 16°
  • $ 87,3
  • 95,46

Степанида Артахинова Арассыыйа чөмпүйэнээтигэр эрэллээх кыайыыта

18:29, 26 июля 2018
Текст:
Читайте нас на
Яндекс Новости
ЯДВ

Соторутааҕыта Алексин куоракка (Тула уобалаһа) инбэлииттэр ортолоругар оҕунан ытыыга Арассыыйа чөмпүйэнээтэ түмүктэннэ. ПОДА-лаах дьон спортарын Бүтүн Арассыыйатааҕы федерацията тэрийэн ыыппыт күрэхтэһиитигэр дойду 18 эрэгийиэниттэн 80 охчут кытынна.

Чөмпүйэнээт бастакы күнүгэр биир дойдулаахпыт, Арассыыйа спордун үтүөлээх маастара Степанида Артахинова 341 очукуону ылан маҥнайгы, иккис эргиирдэри ситиһиилээхтик ааста. Иккис көрдөрүүлэммит Анастасия Джиоева (Москва уобалаһа) Степанидаттан уонтан тахса очукуонан хаалла.

Салгыы Артахинова дойду күүстээхтэрин кытта илин былдьаһыыга бастыҥынан билинилиннэ. Ол курдук, финал 1/8-гар 2015 сыллаахха Германияҕа олохтообут аан дойду чөмпүйэнээтин рекордун хатылаата – 150-тэн 147-тин ылла! Финалга Юлия Алексееваны (Краснодар) кытта көрсүһүүгэ, 141 очукуону ылан эрэллээхтик кыайда.

Бу чөмпүйэнээт түмүгүнэн атырдьах ыйын 11-21 күннэригэр Чехия Пльзень куоратыгар буолар Европа чөмпүйэнээтигэр кыттар дойду хамаандата сүүмэрдэниэҕэ.

Роман Попов, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА