ЦУР иһитиннэрбитинэн, Чурапчы улууһугар килиэп уонна саахар атыыламмат, оттон «Маарыкчаан» потребительскай холбоһукка бурдук бүтэн эрэр диэн этиилэри бэлиэтээтэ.
ЦУР Чурапчы улууһун баһылыга Степан Саргыдаевтан чопчулаата.
«Дьон сымыйа сурахха итэҕэйэн, куттанан бурдугу уонна саахары элбэҕи атыылаһар. Урут «Маарыкчаан» сакаастаабыт бурдуга билигин кыранан хойутаан иһэр. Куттал суох буолуутугар АО «Якутоптторг» кытары 30 туоннаҕа сөбүлэҥ түһэристибит, бу баартыйа сарсын кэлэр. Бүгүҥҥү күҥҥэ биһиги бу боппуруоска кыһалҕаны көрө иликпит», — диэтэ баһылык.
Кини олохтоохтору социальнай ситиминэн тарҕанар тирэҕэ суох сурахтарга итэҕэйбэт буолалларыгар ыҥырда.
This post was published on 17.03.2022 15:01 15:01