«Айта», «Республика Z», «Наша зима», «Ыт», «Эт», «Черный снег» киинэлэр режиссердара Степан Бурнашев Аҕа дойду улуу сэриитин туһунан киинэни устар баҕа санаалаах.
Бу туһунан кини СИА-ҕа интервьютугар кэпсээбит.
«Хас биирдии режиссер историческай киинэни устуон баҕарара буолуо дии саныыбын. Оҕо эрдэхпиттэн Аҕа дойду Улуу сэриитигэр кыттыбыт икки эһэм туһунан киинэ оҥорор баҕалаахпын. Биир эһэм 1942-1947 сылларга сулууспалаабыта, Кенигсберы, Украинаны, Белоруссияны босхолооһуҥҥа кыттыбыта. Иккис эһэм тыылга үлэлээбит, Ааллаах Ууҥҥа «табаары» таһыыга кыттыбыта. Ону таһынан, олох былыргы туһунан эмиэ устар санаадаахпын, холобур сахалар 13-с үйэҕэ хайдах олорбуттарый? Ол туһунан тугу билэбитий?”, — диир кини, суруйар ЯСИА-ҕа сигэнэн «Саха» НКИХ сайта.
Билигин Бурнашев Азия дойдуларыгар саха киинэтин көрдөрөр туһунан кэпсэтиһэ сылдьар. Соторутааҕыта Путсаҥҥа (Корея) буолбут киинэ бэстибээлигэр кыттыбыт.
This post was published on 04.12.2023 13:01 13:01