Ахсынньы 12 күнүгэр кырылас кумахтаах, Бүлүү эбэни өҥөйө сытар кырдьаҕас Бүлүү куоратыттан И.М.Гоголев-Кындыл аатынан кииннэммит библиотека үлэһиттэрэ Былатыан Ойуунускай аатынан судаарыстыбаннас музейыгар ыалдьыттаатылар.
Ааһан иһэр сыл Бүлүү куоратыгар чулуу биир дойдулаахтара Степан Аржаков төрөөбүтэ 125 сылынан кини сылынан биллэриллибит. Онон үлэ-хамнас ол сиэринэн ыытылларын кэпсээтилэр. Билии-көрүү эйгэтин үлэһиттэрэ патриотическай десант тэрийэн, сүүс сыл анараа өттүгэр Автономияны олохтообут, биир санаалаах, сыаллаах-соруктаах соратниктарын төрөөбүт түөлбэлэригэр сылдьан, кэнчээри ыччаты кытта көрсөн, биир дойдулаахтарын сырдык аатын өрө тутан, кэпсээн, сырдатар соруктаахтар.
Бу иннинэ Исидор Барахов төрөөбүт сиригэр Үөһээ Бүлүү улууһугар сылдьыбыттар.
Былатыан Ойуунускай сирэм күөх төрөөбүт сиригэр, кини сиэн биир дойдулаахтарын кытары көрүстүлэр.
Салгыы ыалдьыттарбыт Нам улууһугар суолларын туһаайан, чаҕылхай Максим Аммосов биир дойдулаахтарыгар айанныыр санаалаахтар.
Ааптар: Светлана Халгаева, Таатта
