Мэҥэ Хаҥалас Тумул нэһилиэгиттэн төрүттээх саха тустууга Станислав Свинобоев бу күннэргэ Уфа куоракка ыытылла турар тустууга юниордарга аан дойду чөмпүйэнээтигэр боруонса мэтээли ылары ситистэ. Бу туһунан СИА https://sportyakutia.ru/ сигэнэн суруйар.
Кини Швеция бөҕөһүн Кевин Макота Стремы 12:1 ахсааҥҥа эрэллээхтик хотто. Станислав 70 киилэҕэ диэри ыйааһыҥҥа киирсэр. Кини ыйааһыныгар бастакы миэстэни Иран бөҕөһө Эрфан Элахи, иккиһи Азербайджантан Джабраил Гаджиев, үсүһү Америкаттан Брюс Паркер Андонян уонна Арассыыйаттан Станислав Свинобоев ыллылар.
«Спорт Якутии» суруйарынан, бу кыайыы саха тустуутугар юниордарга 12 сыл буолан баран биирдэ кэллэ.
This post was published on 18.08.2021 13:01 13:01