Саха сиригэр бэс ыйын 10 күнүгэр өссө биир искусственнай ардаҕы оҥорор зондировщик-сөмөлүөт баазаланыаҕа. Өскөтүн икки бастакы көтөр аал ойуур баһаарын сэрэтиигэ туһаайыллыбыт буоллахтарына, Авиалесоохрана Ан-26 «Циклон»-у уоту умуруорууга туттуоҕа.
«Рослесхоз салайааччыта Иван Советников кыттыылаах мунньах буолар, манна эбии миэрэлэр тустарынан кэпсэтэбит. Бу нэдиэлэҕэ эбии Авиалесоохрана бөртөлүөтэ кэлэр. Баһаары умуруорууга искусственнай сөҥүү түһэрэр эбии сөмөлүөтү аҕалары былаанныыбыт. Бу Авиалесоохрана зондировщига», — диэтэ Алексей Венглинскай.
Саха сиригэр баһаар куттала улааттаҕына федеральнайдааҕы саппаастан парашютист— десантниктар эбии күүстэрэ Авиалесоохрана тэрилтэттэн бэриллиэхтэрэ. Салайааччы эппитинэн, былаан оҥоһуллубут.
Санаттахха, бастакы Росгидромет сөмөлүөтэ Як-42 региоҥҥа ыам ыйын 13 күнүттэн үлэлиир. Искусственнай сөҥүүлэр Уус Майа, Алдан, Нерюнгри, Өлүөхүмэ, Уус Алдан, Мэҥэ Хаҥалас, Амма оройуоттарыгар, Бүлүү бөлөх улуустарыгар ыытылыннылар.
Иккис Росгидромет Ан-30М сөмөлүөтэ бэс ыйын 2 күнүгэр өрөспүүбүлүкэҕэ кэлбит. Киин уонна Арктика улуустарыгар үлэлиэҕэ.
