19 От ыйа 19.07
  • 15°
  • $ 87,88
  • 96,1

Өссө биир тыа сирин сэлиэнньэтэ кииннэммит ититиинэн толору хааччыллыаҕа

17:15, 05 марта 2018
Текст:
Читайте нас на
Яндекс Новости
ЯДВ

Чакыр нэһилиэгэр итиинэн хааччыйар саҥа эбийиэк үлэҕэ киирдэ. 2,32 мегаваттаах саҥа хочуолунай муниципальнай тэриллии уонна ОДьКХ Амматааҕы филиалын кыттыгас үбүлээһиннэринэн тутулунна.


Саҥа эбийиэккэ сылдьан “СӨ ОДьКХ “ГУП генеральнай дириэктэрэ Виктор Омуков оройуон, нэһилиэк уонна филиал хардарыта бииргэ үлэлээһиннэрин түмүгэр Амма оройуонугар сылааһынан быыстала суох хааччыйыы уонна кэтэх ыал дьиэлэрин кииннэммит ситимҥэ холбооһун ыытылларын бэлиэтээтэ. Чакыр нэһилиэгин баһылыга Прокопий Прокопьев иһитиннэрбитинэн, быйыл сэлиэнньэ бары кэтэх ыаллара кииннэммит ситимҥэ холбонуохтара. Бүгүн икки хочуолунайтан Чакыр олорор фондатын аҥара сылааһы ылар.

Амма хомунаалынай хаһаайыстыбатын үлэһиттэрэ муниципальнай тэриллиилэр көмөлөрүнэн Сатаҕайга уонна Соморсуҥҥа саҥа хочуолунайдары тутан үлэҕэ киллэрэр былааннаахтар.

Хочуолунай дьиэтэ сэндвич-панельтан тутулунна, итиннэ Ижевскэйгэ оҥоһуллубут икки хочуолу туруордулар. Эбийиэктэри хочуолунайга холбуур туһуттан 200 миэтэрэттэн тахса усталаах ситими тартылар.

Саҥа хочуолунай саҥа үөрэх тэрилтэлэрин уонна олорор дьиэлэри сылааһынан хааччыйаары тутулунна. Хочуолунай дьиэтин тутарга аналлаах матырыйаалы атыылаһыыны Чакыр нэһилиэгин дьаһалтата үбүлээбитэ. Хочуолунай оборудованиетын уонна техническэй бородууксуйатын нэһилиэк уонна филиал суоттарыгар ылбыппыт”, — диэн иһитиннэрдилэр хомунаалынай хаһаайыстыба үлэһиттэрэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар