Коронавируһу утары биирдэ эрэ бэриллэр «Спутник Лайт» вакцина үс нэдиэлэнэн таһаарыллыан сөп. Бу туһунан суруналыыстарга РФ доруобуйа харыстабылын миниистирэ Михаил Мурашко эттэ, суруйар ТАСС.
«Үс нэдиэлэнэн», — диэтэ доруобуйа харыстабылын миниистирэ, ыйытыы киирбитигэр.
COVID-19 ыарыыны утарар туһуттан биирдэ эрэ бэриллэр «Спутник Лайт» Н.Ф. Гамалея аатынан кииҥҥэ оҥоһуллар. Доруобуйа харыстабылын министиэристибэтэ иһитиннэрбитинэн, клиническай чинчийии түмүгүнэн, препарат дьон доруобуйатыгар куттала суоҕа быһаарыллыбыт. Баҕа өттүнэн ылбыттар SARS-CoV-2 ыарыыны утары иммунитеттаммыттара быһаарыллыбыт. Саҥа вакцина эпидемия кэмигэр дьон түргэнник ыарыыны утары иммунитета күүһүрэригэр туһалыа диэн иһитиннэриигэ суруллар.
«Спутник Лайт» таһынан Россияҕа өссө үс вакция регистрацияны ааспыт. «Спутник V»-ны эмиэ Н.Ф. Гамалея аатынан киин, «ЭпиВакКорона» «Вектор» киин уонна «КовиВак» Чумаков аатынан киин.
This post was published on 21.05.2021 14:01 14:01