Бүгүн, от ыйын 9 күнүгэр, «Дьулуруйар Ньургун Боотур» стадиоҥҥа сахалыы ыстаныы көрүҥэр «кылыы» уонна «ыстаҥа» дисциплинаҕа, ону тэҥэ чэпчэки атлетикаҕа күрэстэр ыытылла тураллар. Ол курдук эр дьон уонна дьахталлар ортолоругар 10 000 миэтэрэҕэ, кыргыттарга 3000 миэтэрэҕэ, уолаттарга ортолоругар 5000 миэтэрэҕэ уонна итинник дистанцияҕа бэтэрээн эр дьоҥҥо уонна дьахталларга буолар, диэн Таатта хаһыат ТГ-ханаала суруйар.
Бэлиэтээн эттэххэ, 10 000 миэтэрэ дистанцияҕа дьахталлар ортолоругар Сунтаар улууһун бэрэстэбиитэлэ Наталья Леонтьева эрэллээх кыайыыны ылла.
«Саһыл уйалаах» ипподромҥа хотугу дэгис көрүҥҥэ «быһыттаҕас сиринэн мастаах сүрүү” дисциплинаҕа күрэхтэһии буола турар.
Спорт Дыбарыаһыгар гиирэҕэ оттон А.Е. Мординов аатынан Таатта лицейин спортивнай былаһааккатыгар «тииҥ» дисциплинаҕа төрүт оҕунан ытыыга күрэхтэһэллэр. Салгыы хамаанданан ытыы күрэһэр муҥутуур кыайыылаҕы билиэхпит.
