Саха сиригэр спорт биэс эбийиэгин «электроннай пропуск» систиэмэтигэр холбоотулар. Н.Н.Тарскай аатынан «Туймаада» стадион, «Чолбон», «Самородок» бассейннар, «Модун» уонна «Дохсун» спорткомплекстар киллэрилиннилэр, спорт министиэристибэтэ иһитиннэрдэ.
Салгыы систиэмэҕэ «50 лет Победы» спорт дыбарыаһа, саахымат-дуобат өрөспүүбүлүкэтээҕи киинэ, «Эллэй Боотур» муус дыбарыаһа уонна «Триумф» спортивнай бэлэмнэнии киинэ холбонуохтара.
Саҥа көрүҥ Дьокуускай куорат спортивнай объектарыгар анаан Физическай култуура уонна спорт, Инновация министиэристибэлэрин кыттыгастаах бырайыактара буолар. Коронавирус тарҕаныытын бохсор сыалтан ылыллыбыт дьаһал.
Пропуск оҥорторорго https://propusk.sakha.gov.ru/auth порталга регистрацияланаҕын эбэтэр «Цифровой пропуск Якутии» сыһыарыыны AppStore эбэтэр Play Маркет-тан хачайдыыгын. Салгыы ханнык эбийиэккэ сылдьаргын, заалгын, күҥҥүн-дьылгын, бириэмэҕин талаҕын уонна QR-код ыларга төлөбүрү оҥороҕун.
This post was published on 01.10.2020 10:01 10:01