26 От ыйа 26.07
  • 17°
  • $ 85,41
  • 93,17

Өспөххө кырачааннары остуоруйанан иитэллэр

17:52, 22 марта 2016
Читайте нас на
Яндекс Новости
ЯДВ

Уус-Алдан улууһун Өспөх нэһилиэгэр оҕо саадын иитиллээччилэрэ кэмиттэн-кэмигэр «остуоруйа дойдутугар» ыалдьыттыыр үгэстээхтэрин туһунан улуустааҕы киин бибилэтиэкэ дириэктэрэ Варвара Окоемова иһитиннэрэр.

Варвара Николаевна этэринэн, бу күн кинилэр остуоруйа көрөллөр, таабырыннары таайаллар, кинигэлэри көрөллөр-истэллэр. Маннык тэрээһини оҕо саадын кэллэктиибэ уонна бибилэтиэкэ үлэһитэ Валентина Назарова тэрийэллэр.

Бэҕэһээ кырачааннарга «Куобахтааҕар куттаҕас» уонна «Куобах туһунан» остуоруйалары көрдөрбүттэр. Ол кэннэ кыылларынан хайдах майгылаах-сигилилээх киһини көрдөрөллөрүн кэпсэппиттэр, хоһоон аахпыттар, ырыа ыллаабыттар. Тэрийээччилэр маннык ньыма билиини-көрүүнү сайыннарарга көмөлөөҕүн, остуоруйаттан сиэттэрэн оҕо кинигэни сэҥээрэ, сэргии улаатарын бэлиэтээбиттэр.

Следите за самым важным и интересным в Telegram-канале и WhatsApp-группе ЯСИА