От ыйын 25 күнүгэр Амур уобалаһыгар Восточнай космодромтан спутниктаах «Союз-2.1б» ракета көтөр. Тобоҕо Алдан уонна Бүлүү улуустарыгар түһэр. Ол туһунан экология министиэристибэтэ иһитиннэрдэ.
Ракета көтүөн иннинэ уонна тобох түспүтүн кэннэ исписэлиистэр айылҕаттан боруобалары ылыахтара, ону кытта радиационнай фону кээмэйдиэхтэрэ. Фрагменнар бары хомуллуохтара.
2016 сылтан барыта 17 көтүү буолла, Алдан уонна Бүлүү улуустарын хабыылаах. Ол тухары айылҕаҕа химическай киртийии бэлиэтэммэтэ. Радиационнай фон уларыйбата.
This post was published on 23.07.2025 17:22 17:22