13 От ыйа 13.07
  • 30°
  • $ 87,74
  • 95,76

Социальнай тэрилтэлэргэ 4 тыһыынчаттан тахса дьиэ кэргэн учуокка турар

16:02, 25 октября 2016
Читайте нас на
Яндекс Новости
ЯДВ

Өрөспүүбүлүкэ үрдүнэн уопсайа 9 309 оҕолоох 4219 дьиэ кэргэн социальнай харалта тэрилтэлэригэр учуокка турар. Мантан баһыйар үксэ төрөппүттэр арыгылааһыннарыттан төрүөттэнэр.


Ордук элбэх дьиэ кэргэн Алдан (139), Хаҥалас (113), Кэбээйи (62), Уус-Маайа (37) улуустарыгар арыгылааһыны эрдэттэн сэрэтии учуотугар турара биллэр.

Ити туһунан суруналыыстарга үлэ, социальнай сайдыы миниистирин солбуйааччы Зинаида Максимова эттэ. Социальнай харалта тэрилтэлэрэ арыгыттан тутулуктаныыны эрдэттэн сэрэтэр, чөлүгэр түһэрэр үлэлэри ыыталлар. 2015 сылга 513 төрөппүт — 181 эр киһи, 332 дьахтар маннык тэрээһиннэри ааспыттар.

«Дьиэ кэргэҥҥэ арыгылааһынтан, о.д.а. араллаан таҕыстаҕына, сокуоннай саастарын ситэ илик оҕолор дьыалаларынан дьарыктанар сулууспа эбэтэр эпиэкэ үлэһиттэрэ оҕолору ылаллар уонна социальнай харалта тэрилтэлэригэр ыыталлар. Ол кэнниттэн төрөппүттэри кытта үлэ саҕаланар. Сотору буолан баран оҕо дьиэ кэргэнигэр төннөрүллэр. Ситиһии 30-40% тэҥнэһэр», — диир Максимова. Ити да кэнниттэн бу дьиэ кэргэн учуоттан уһуллубат.

Чөлүгэр түһүү кэнниттэн дьон төттөрү арыгылыыллара суох буолбатах. Оҕолор оччотугар эмиэ социальнай харалта дьиэлэригэр бараллар.

Следите за самым важным и интересным в Telegram-канале и WhatsApp-группе ЯСИА