Социалистическай үлэ Геройа, ыанньыксыт, САССР норуотун хаһаайыстыбатын үтүөлээх үлэһитэ, Амма улууһун бочуоттаах олохтооҕо Петр Ионович Яковлев 100 сааһын 2021 сылга бэлиэтиир туһунан дьаһалга Ил Дархан Айсен Николаев сэтинньи 5 күнүгэр илии баттаата. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Ил Дархан тэрийэр хамыыһыйа састаабын, үбүлүөйдээх тэрээһиннэр былааннарын, үбүн бигэргэтэри сорудахтаата.
Петр Ионович Яковлев 1921 сыллаахха олунньу 22 күнүгэр Амма улууһун Өнньүөһүгэр төрөөбүт. Аҕа дойду сэриитин кыттыылааҕа.
1972-1973 сылларга Бочуот знагынан Ленин уордьанынан иккитэ бэлиэтэммит.
1976 сыллаахха Социалистическай үлэ Геройа ааты ылбыт.
САССР Үрдүкү Сэбиэтин дьокутаата.
This post was published on 10.11.2020 11:01 11:01