14 От ыйа 14.07
  • 31°
  • $ 87,74
  • 95,76

Соломуон аман өһө сахалыы тылынан тылбаастанан таҕыста

11:39, 14 декабря 2016
Читайте нас на
Яндекс Новости
ЯДВ

Бу сахалыы тылынан тахсыбыт 10-с кинигэ буолла. Таһаарыыны оҥорууга Дьокуускайдааҕы епархия Библияны тылбаастааһын институтун кытта оҥордо.


Кинигэҕэ Соломон ыраахтааҕы муударай этиилэрэ түмүллэн киирдилэр. Үгүстэр күннээҕи тылларыгар-өстөрүгэр Библияттан саҥаралларын билбэттэр. Олору бу кинигэттэн булан ааҕыахха сөп.

«Кинигэ элбэх сыраттан бэчээттэнэн таҕыста. Биллэн турар, уопсастыба духуобунай өттүнэн саҥардылларыгар, өрөспүүбүлүкэ култуурунай олоҕор бэлиэ түгэн буолла», — диэтэ Дьокуускайдааҕы уонна Ленскэйдээҕи архиепископ Роман.

Дьокуускайдааҕы епархия тылбааска отделын салайааччыта Саргылаана Леонтьева уонна кини бииргэ үлэлиир дьоно: Москватааҕы патриарх протоиерийэ, Синодальнай библиотекатын сүрүн библиограба Александр Троицкай уонна Библия тылбааһын институтун дириэктэрин солбуйааччы Наталья Горбунова кинигэ сүрэхтэниитин сүрүн дьоруойдарынан буоллулар.

Тылбаас ааптара Саргылааны Леонтьева этэринэн, үлэ хас эмэ сыл салҕанан барбыт, элбэх сыраны-сылбаны, иҥэн-тоҥон ырытыыны эрэйбит.

Саха сирин итэҕэллээхтэрин гражданскай уопсастыба миниистирин солбуйааччы Савва Михайлов уонна куорат баһылыгын солбуйааччы Евдокия Евсикова эҕэрдэлээтилэр.

«Саха тыла – уустук тыл. Оттон маннык кинигэни оҥоруу, бэчээттээн таһаарыы суолтата муҥура суох улахан. Ону таһынан норуоппут култууратыгар, сайдыытыгар улахан олук буолар», — диэтэ Михайлов.

«Кинигэ наука, култуура тэрилтэлэригэр наадалаах буоларыгар бүк эрэллээхпин», — диэтэ архиепископ Роман.

Сахалыы тылынан тахсыбыт кинигэни Национальнай, Белинскэй уонна ХИФУ библиотекаларыгар бэлэхтээтилэр.

Саргылана Леонтьева бу үлэтин иһин епархия наҕараадатын – Евгений (Зернов) мэтээлин ылла.

Следите за самым важным и интересным в Telegram-канале и WhatsApp-группе ЯСИА