Бу күннэргэ снайпер Иван Кульбертиновка анаммыт скульптурнай композиция эскиһин бырайыагар биллэриллибит куонкурус түмүгэ таҕыста. Кыайыылааҕынан «На олене» скульптор Николай Чоччасов уонна архитектор Марина Рожина айар хамаандаларын үлэтэ таҕыста диэн СИА-ҕа СӨ иһинэн архитектура уонна градостроительство управлениета иһитиннэрдэ.
Экспертиир жюрига 12 киһи үлэлээтэ — архитектура бэрэстэбиитэллэрэ, профессиональнай худуоһунньуктар, дизайнердар, искусствоведтар, музееведтар, Иван Николаевич аймахтара, биир дойдулаахтара, уопсастыбаннас, Дьокуускай куорат салалтата уонна өрөспүүбүлүкэ депутаттара.
Куонкуруска сэттэ ааптар кытынна, сорохтор иккилии-үстүү үлэни туруордулар. Үлэлэр шифрдаммыттар, ааптар аата суруллубат. Жюри чилиэннэрэ бэйэлэрин быһаарыыларын дьүүллэһиитэ суох тус оҥордулар.
Дьүүллүүр сүбэ куоластааһынын түмүгэ уопсастыбаннай резонанс таһаарда. Ол иһин куонкурсу тэрийээччи — СӨ иһинэн архитектура уонна градостроительство управлениета — жюри санаатын сиһилии кэпсээтэ.
Бэлиэтээн этэр буоллахха, түмүк тахсаатын кытта Иван Кульбертинов аймахтарын уонна биир дойдулаахтарын кытта кыайбыт хамаанда көрүстэ. Ааптардар скульптурнай композицияны киирбит этиилэри учуотаан туран көннөрөргө бэлэмнэрин эттилэр.
Сиһилии https://ysia.ru/skulptura-snajpera-ivana-kulbertinova-budet-dorabotana-s-uchetom-predlozhenij/
