Сэтинньигэ орто температура Россия үрдүнэн нуормаҕа арыый чугас эбэтэр онтон үрдүк буолуоҕа. Ордук сылаас Коми, Архангельскай уобаластарга, Ямало-Ненецкай автономнай уокурукка, Саха сиригэр уонна Красноярскай кыраай хоту өттүгэр, ТАСС-ка РФ Гидрометкиинин научнай салайааччыта Роман Вильфанд иһитиннэрдэ.
«Орто ыйдааҕы температура, дойду үрдүнэн, нуормаҕа чугас эбэтэр онтон үрдүк буолуоҕа. Бу азиатскай уонна европейскай территориялары тэҥинэн хабар. Ордук сылаас Коми, Архангельскай уобаластарга, Ямало-Ненецкай уокурукка, Саха сиригэр, Красноярскай кыраай хоту өттүгэр бэлиэтэниэҕэ. Нуорматтан намыһах температура ханна да көстүбэт», — диэтэ Вильфанд.
Дойду үрдүнэн элбэх ардах түһүө суоҕа — үгүс региоҥҥа нуормаҕа тэҥ. Ити эрээри соҕуруу уонна хотугулуу-Кавказ федеральнайдааҕы уокуруктарга сөҥүүтэ нуорматтан кыра, оттон Илиҥҥи уонна Орто Сибиир соҕуруу өттүгэр — сөҥүү түһүүтэ улахан.
«Сэтинньигэ Россия үрдүнэн сылаас күн-дьыл туруга салҕанан барар тэтимнээх», — диэтэ метеоролог, суруйар ТАСС.
This post was published on 30.10.2020 18:03 18:03