Балаҕан ыйын 5 күнэ буолар түүнүгэр тоҥоруу туһунан УГМС сэрэтэр. Чуолкайдаатахха, киин, Бүлүү бөлөҕөр уонна Дьокуускай таһынааҕы оройуоннарга 0…-2 диэри температура түһэрэ күүтүллэр.
Бээтинсэҕэ синоптиктар Мииринэйгэ, Сунтаарга, Өлүөхүмэҕэ, Ленскэйгэ, Алдан, Нерюнгри оройуоннарыгар кыра, сорох сиринэн мөлтөх ардаҕы сабаҕалыыллар. Арктика оройуоннарыгар түүн инчэҕэй хаар түһэрэ күүтүллэр. Саха сирин атын сиригэр үксүн ардаҕа суох буолуоҕа.
Күнүс киин оройуоннарга салгын температурата +15…+20 кыраадыс, арҕаа, хотугулуу-арҕаа +12…+17, Арктика кытылынан +7…+12 буолуоҕа.
Дьокуускайга түүн +3…+5 кыраадыска диэри тымныйыа, куорат таһыгар 0…-2 диэри тоҥоруу буолуо. Күнүс +19…+21 кыраадыска диэри итиини эрэннэрэллэр.
This post was published on 04.09.2025 18:02 18:02