24 От ыйа 24.07
  • 28°
  • $ 87,3
  • 95,46

«Синергия Севера» форумҥа Уһук Илин бастыҥ ыччата кыттыаҕа

15:32, 21 июля 2016
Текст:
Читайте нас на
Яндекс Новости
ЯДВ

Ыччат ортотугар ыытыллар «Синергия Севера-2016» үөрэтэр форум от ыйын 21 күнүттэн Хаҥалас «Орто Дойду» сиригэ-уотугар үлэтин саҕалыыр. Маны таһынан Россия ыччатын бырабыыталыстыбатын Уһук Илиҥҥэ ассоциациятын IV съеһэ ыытыллыаҕа.


Уһук Илини сайыннарыы министиэристибэтин, Саха сирин бырабыыталыстыбатын бэрэстэбиитэллэрэ бочуоттаах ыалдьыт буолаллар. Киһи хапытаалын сайыннарыы департаменын дириэктэрэ Григорий Смоляк манна кыттыыны ылыаҕа.

Эдэр специалистар экономика, үп-харчы, региоҥҥа инвестицияны киллэрии, Уһук Илин ыччатын стратегиятын, гектар сири босхо биэрии, үөрэх, наука, култуура, ДьКХ, уопсастыбаннай куттал суох буолуута, о.д.а. боппуруостары ырытыахтара. От ыйын 23 күнүгэр пленарнай мунньахха Саха сирин баһылыга Егор Борисов кыттыаҕа.

«Быйылгы форумҥа Россия регионнарыттан элбэх кыттааччы кэлэр. Ол курдук Приморскай, Хабаровскай, Камчатка кыраайдарыттан, Амур, Магадан, Еврейскэй автономнай, Сахалин уобаластарыттан ыалдьыттар кэлиэхтэрэ. Бүгүҥҥү күҥҥэ наадалаах саҥа үөрэтэр площадкалар үлэлиэхтэрэ. Саамай кылаабынайа – бэйэбит туспа ааттаныахпыт. Инникитин ити ааппыт Саха сирин брендыгар кубулуйан, саҥа саҕахтары аһыахпыт, үлэлэтиэхпит. Итилэр ыччакка элбэх кыаҕы үөскэтиэхтэрэ», — диэн Саха сирин ыччат политикатыгар миниистирин бастакы солбуйааччы Василина Лукина эттэ.

Ыччакка анаммыт «ПРО Якутии: школа молодого лидера», «Я — инженер», «Ты — предприниматель», «Студенческое самоуправление», «Рабочая молодежь», «Мир кино» үөрэтэр бырагыраамалар үлэлиэхтэрэ.

Форум чэрчитинэн тус бырайыактарын сайыннарарга уопсайа 2 мөл.солк. суумалаах граннары туттарыахтара.

Следите за самым важным и интересным в Telegram-канале и WhatsApp-группе ЯСИА