24 От ыйа 24.07
  • 29°
  • $ 87,3
  • 95,46

“Симэх” норуот искусствотын уонна уус-уран оҥоһуктарын национальнай киинэ быыстапка туруорда

10:01, 06 апреля 2023
Текст:
Хаартысканы ааптар тиксэрдэ.
Читайте нас на
Яндекс Новости
ЯДВ

Чурапчы улууһугар бастакытын ыытыллар культура, искусство уонна литература күннэрин чэрчитинэн муус устар 4 күнүгэр “Айылгы” оройуоннааҕы норуот айымньытын дьиэтигэр “Симэх” норуот искусствотын уонна уус-уран оҥоһуктарын национальнай киинин фондатыттан Саха Өрөспүүбүлүкэтин араас муннуктарыттан хомуллубут эталоннай үлэлэр быыстапкалара арылынна.

Айхаллаах арыллыы кэмигэр “Симэх” национальнай киин тэриллибит историятын, күн бүгүн ыытар киэҥ хабааннаах үлэтин туһунан информацияны мустубут дьон иһиттэ, харах халтарыйар уран оҥоһуктары сөҕө-махтайа көрдө.

Үөрүүлээх арыллыыга кыттыыны ыллылар Чурапчы улууһун баһылыгын социальнай боппуруостарга солбуйааччы Мария Филипповна Кронникова, Чурапчы нэһилиэгин баһылыга Владимир Дмитриевич Сивцев, Чурапчы улууһун культураҕа салалтатын салайааччыта Петр Егорович Гуляев.

«Симэх» национальнай киин салайааччыта Яна Викторовна Игнатьева Чурапчы улууһун маастардарын, түмсүү салайааччыларын кытта көрсүһүүгэ инники былааннары торуннастылар, инники күөҥҥэ тутуллуохтаах көрүҥнэргэ болҕомтону уурарга сүбэлээтэ.

«Утум» уус-уран оҥоһуктарын дьиэтигэр Саха Өрөспүүбүлүкэтин норуотун маастардара икки күн устата маастар-кылаас ыыталлар:

· Туой оҥоһукка — Колодезников Дмитрий Николаевич
· Мас оҥоһукка — Малышев Андрей Лукич
· Туос оҥоһукка — Карамзина Татьяна Алексеевна
· Муос оҥоһукка — Соловьев Олег Иннокентьевич
· Көмүс сабынан быысапкаҕа — Ноговицына Галина Константиновна

Ааптар: «Симэх» норуот искусствотын киинэ

Следите за самым важным и интересным в Telegram-канале и WhatsApp-группе ЯСИА