29 Кулун тутар 29.03
  • -11°
  • $ 92,26
  • 99,71

Сииттэлэр улууска биллэриллибит чэгиэн-чэбдик олох, физическэй культура уонна ГТО сылын өйүүллэр

16:01, 20 января 2021
Текст:
Читайте нас на
Яндекс Новости
ЯДВ

2021 сыл Кэбээйи улууһугар Чэгиэн-чэбдик олох, физическэй культура уонна ГТО сыла. Олохтоохтор өйүүллэр.


Маасабай спорт сайдарыгар дьон-сэргэ улахан төһүү күүс буолар. Кэбээйи улууһугар бу хайысханы күүскэ өйөөһүн уонна көҕүлээһин үрдүк таһымнаахтык ыытыллар. Нэһилиэктэр бары кытталлар.

Сииттэҕэ сэргэх тэрээһиннэр ыытыллан эрэллэр. Бу туһунан нэһилиэк сынньалаҥ дьиэтин дириэктэрэ Марианна Сивцева кэпсиир:

– Нэһилиэкпитигэр спорду өрө тутар киһи элбэх. Дойдубут дьоно аныгы скандинавскай хаамыыны биһирээн, биир дойдулаахтарыгар хаамыы доруобуйаҕа туһатын туһунан элбэҕи үөрэтэллэр, бэйэлэрин холобурдарын көрдөрөллөр. Мин билигин үөрэ-көтө билиһиннэриэхпин баҕарабын Сииттэбит саамай кырдьаҕас, норуот маастара 85 саастаах Оконешникова Вера Егоровнаны, кини күн бүгүнүгэр диэри дьиэтин таһыгар тымныы буоллун, куйаас буоллун хааман сэргэхсийэр. Кини хаампыта 10-тан тахса сыл буолла. Эдэрдэри көҕүлүүр, холобур буолар кырдьаҕастартан Захаров Иннокентий Григорьевиһы киэн тутта ааттыыбын, кини 81 саастаах, хаамыынан үлүһүйбүтэ оруобуна 15-с сыла. 65 саастаах Уваровский Алексей Егорович хаамыынан дьарыктаммыта 6-с сылыгар барда, нэһилиэкпит биир тутаах, чөл олоҕу өрө тутар элбэх оҕо аҕата, эһэтэ.

Дьахтар аймахтан бэлиэтиэхпин баҕарабын Петрова Анастасия Николаевнаны, кини 69 саастаах, Васильева Мотрена Лазаревнаны, 60 саастаах Сииттэ нэһилиэгэр чөл олоҕу тарҕатыыга көхтөөх ийэлэртэн, эбэлэртэн биирдэстэрэ буолаллар. Билигин кинилэр утумнарын салҕааччы элбээн иһэр: Яковлева Анна Григорьевна, Винокурова Лидия Васильевна, Попова Ольга Степановна, Александрова Марфа Ивановна, Тимофеева Августина Ивановна буолаллар.

Следите за самым важным и интересным в Telegram-канале и WhatsApp-группе ЯСИА
Тутаах тыллар