19 Кулун тутар 19.03
  • -10°
  • $ 91,98
  • 100,24

Сиинэ оскуолатын "оскуола-саад" диэн уларытан хайысхалыырга эттилэр

Анастасия Филиппова, ЯСИА
Читайте нас на
Яндекс Новости
ЯДВ

Хаҥалас улууһун Сиинэтигэр дьыссаат суох буолан, кырачаан оҕолор оскуолаҕа сылдьаллар. Дьиэ оскуола иннинээҕи саастаах оҕолор дьарыктаналларыгар сөбө суох.

Бырабыыталыстыба бөлөҕө оскуоланы «оскуола-саад» диэн уларытан хайысхалыырга толкуйдаата. «Билтигин биһиги иккис этээскэ баарбыт. Дьааһыланы суох оҥорбуттарыттан сарбыйыы тахсыбыта. Ити эрээри дьааһыла саастаах оҕолордоохпут. Музыкальнай уонна физкультурнай саалалар суохтар. Нэһилиэк бу боппуруоһун быһаараргытыгар көрдөһөбүн», — диэтэ дьыссаат сэбиэдиссэйэ Ольга Соловьева.

Үөрэҕириигэ судаарыстыбаннай бэлиитикэ департаменын салайааччы Лена Тен эппитинэн, оскуола бырайыактыыр күүһэ 176 оҕоҕо сөп. Ити эрээри билигин 100-чэ оҕо баар.  Дьыссаакка, дьааһыла саастаах оҕолору киллэрэн туран, 50-ча оҕо сылдьар. «Маннык түгэнигэр эбийиэги оптимизациялыахха сөп. Биир эрэ юридическай сирэй оҥорбокко. Ити эрээри оскуола дьиэтин уларытыахха наада — бу наһаа ыарахан буолбатах.  Туспа ааннаан, техническай боппуруостарын быһааран», — диэтэ Тен.

Этии бырабыыталыстыба отчуотун түмүктүүр боротокуолугар киллэрилиннэ.

Хаҥалас улууһугар отчуот бүгүҥҥүнэн түмүктэнэр.

Следите за самым важным и интересным в Telegram-канале и WhatsApp-группе ЯСИА