Сунтаар улууһун баһылыга Григорьев А.В. «Сахаплемобъединение» ААО генеральнай дириэктэрин Охлопков С.С. кытары сөбүлэһиигэ илии баттаһан, 2016 сылга искусственнай сиэмэлээһин өҥөтүн (хас биирдии төбөҕө 300 солк.) улуус бүддьүөтүттэн уйунар буолла.
Улуус ТХПК, ИП/БФХ, кэтэх хаһаайыстыбалар ынахтарын бары босхо сиэмэлэтэр буоллулар. 18 нэһилиэккэ, ол эбэтэр Аллыҥа, Арыылаах, Бордоҥ, Бүлүүчээн, Дьаархан, Кэмпэндээйи, Кириэстээх, Куокуну, Кутана, Күүкэй, Күндэйэ, Сунтаар, Тойбохой, Түбэй Дьаархан, Сиэйэ, Элгээйи, Хадан, Хоро нэһилиэктэригэр уопсайа 34 техник-осеменатор үлэлиир. 2016 сыл олунньу, кулун тутар ыйдарыгар «Дробнай» диэн ааттаах, ыраас хааннаах симментал боруода оҕус племенной матырыйаала кэлбитэ. Бу оҕс сиэмэтиттэн үөскээбит ынахтар 3,84% сыалаах 2786 кг, 3,91% сыалаах 2578 кг үүтү биэрэллэр.
This post was published on 22.04.2016 10:43 10:43