20 От ыйа 20.07
  • 17°
  • $ 88,02
  • 96,04

Сибээс колледжа сайдар

11:01, 28 сентября 2020
Текст:
Читайте нас на
Яндекс Новости
ЯДВ

Сибээс уонна энергетика колледжыгар информационнай технология идэлэригэр биэс саҥа мастарыскыай аһылынна. Эдэр дьону “Веб-дизайн и разработка”, “Разработка мобильных приложений”, “Информационные и кабельные сети”, “Кибербезопасность”, “Машинное обучение и большие данные” идэлэргэ уһуйуохтара.


Саҥа мастарыскыайдары колледж федеральнай үп суотугар тэрийбит. Дириэктэр Гаврил Семенов РФ үөрэх министиэристибэтин гранын бастакытын сүүйэн, 37 мөл.сууммаҕа биир этээһи бүтүннүү өрөмүөннээбиттэрин, 78 үлэ миэстэтин тэрийбиттэрин, 140 монитор, 79 ноутбук, персональнай компьютер, макбук ылбыттарын кэпсиир. “Саҥа мастарыскыайдарга үөрэх эрэ буолбакка исписэлиистэри хос үөрэтии, WorldSkills күрэстэрэ ыытыллар буолуохтара“, – диир Гаврил Семенов.

Бырабыыталыстыба бэрэссэдээтэлин э.т. Андрей Тарасенко саҥа арыллыбыт мастарыскыайдарга бөдөҥ хампаанньалар кафедраларын аһары, анал педагогтары, исписэлиистэри бэлэмниири эттэ. Кини саҥа идэлэр олох ирдэбилигэр эппиэттэһэллэрин, үөрэххэ баҕалаах элбэх буолуон, выпускниктар үлэ ырыынагар былдьаһык буолуохтарын эттэ.

Сибээс миниистирэ Анатолий Семенов Саха сиригэр IT–эйгэ күүскэ сайда турар кэмигэр сибээс колледжа федеральнай күрэстэргэ кыттан, өрөспүүүлүкэҕэ үп тардан, наадалаах исписэлиистэри бэлэмниирэ тоҕоостооҕун эттэ. Миниистир информационнай технология эйгэтигэр Саха сирэ сыллата тыһыынча исписэлииһи бэлэмниирин, бу эйгэ үлэһиттэрэ хамнастара үчүгэйин, ыччат баҕалааҕын этэн туран, колледж салалтатыгар ситиһиилэри баҕарда.

Үөрэх миниистирин э.т. Ирина Любимова саҥа мастарыскыайдарга устудьуоннар эрэ буолбакка өрөспүүбүлүкэ оскуолаларын оҕолоро эмиэ үөрэниэхтэрин эттэ. «Колледж IT-идэлэр кииннэринэн, педагогтар квалификацияларын үрдэтэр киининэн буолуо«, — диэтэ кини.

Следите за самым важным и интересным в Telegram-канале и WhatsApp-группе ЯСИА