2026 сыл олунньутуттан Арассыыйаҕа инбэлииттээх дьоҥҥо, бэтэрээннэргэ уонна гражданнар атын чэпчэтиилээх категорияларыгар төлөбүрү индексациялыыллар. Бу туһунан ТАСС РФ Социальнай пуондатын пресс-сулууспатыгар иһитиннэрдилэр.
Улаатыннарыы ыйдааҕы харчынан төлөбүрдэри уонна социальнай өҥө хомуурун сыанатын, ону тэҥэ радиация алдьархайыттан эмсэҕэлээбиттэри, ол иһигэр чернобылецтары өйүүр дьаһаллары таарыйыаҕа.
СФР-га чопчулабыттарынан, 2026 сыл муус устарга диэри үлэ сылларын төлөбүрэ уонна атын компенсациялар тустаахтартан сайабылыанньата суох ааҕыллыахтара. Бу механизм судаарыстыбаннай өйөбүлү ылыы процеһын түргэтэтэрэ, судургутара күүтүллэр.
Итини тэҥэ, 2026 сылга страховой биэнсийэлэри, ийэ хапытаалын уонна араас социальнай босуобуйаны индексациялааһын көрүллэр, ол иһигэр оҕолоох уонна хат дьахталлар дьиэ кэргэттэригэр. Страховой биэнсийэлэри индексациялааһын тохсунньуга 7,6% буолуоҕа уонна 38 мөл.кэриҥэ Россия киһитигэр көрүллүөҕэ.
Атын саҥа уларыйыы, Москваттан уонна Сахалин уобалаһыттан ураты, биэнсийэҕэ регионнааҕы эбии төлөбүрдэри СФР-ны кииннээн анааһын буолуоҕа. Биэдэмистибэҕэ бэлиэтээбиттэринэн, олоххо киллэриллэр уларытыылар оҥоһуллар көмө аадырыстаах буолуутун үрдэтэргэ уонна социальнай төлөбүрү ылааччыларга административнай ноҕуруусканы аччатарга аналлаахтар.
This post was published on 28.01.2026 18:18 18:18