Быйыл сэтинньитээҕи бырааһынньыктар уһаан биэриэхтэрэ. Норуоттар сомоҕоһууларын күнэ чэппиэргэ түбэһэр, ол иһин, бээтинсэ күн эмиэ өрөбүл буолуоҕа, салгыы субуота уонна баскыһыанньа. Инньэ гынан, үргүлдьү түөрт күн сынньаныахпыт.
Маны таһынан, алтынньы 3 күнэ кылгатыллыбыт үлэ күнүнэн биллэриллиэ.
«Бырааһынньык иннинээҕи үлэ күнэ биир чаас кылгаан биэрэрин туһунан Арассыыйа Бэдэрээссийэтин үлэтин кодексатыгар сурулла сылдьар”, — диэн Арассыыйа үтүөлээх юриһа, юридическэй наука доктора Иван Соловьев үллэстэр.
Алтынньы саҕатыгар уоппускаларын былааннабыт дьоҥҥо уоппускалара уһаан биэрэр дуо?
Өскөтүн уоппускаҥ кэмигэр бырааһынньык күнэ түбэстэҕинэ, сокуон быһыытынан уоппускаҕыт уһаан биэрэр. Холобура, бу сырыыга уоппуска биир күн уһуур. Өрөбүлү уонна бырааһынньыгы бутуйар сыыһа. Ол эрээри, сорох сулууспалар өрөбүлэ суох үлэлииллэр: суһал көмө сулууспалара, полиция, быраастар, баһаарынайдар ону тэҥэ, быыстала суох үлэлиир тэрилтэлэр.
«Үлэҕит дуогабырыгар бырааһынньыктааҕы өрөбүллэргэ диэн анал акылаат көрүллэр буоллаҕына, тэрилтэҕит эбии харчы төлөөбөт. Өскөтүн оннук суох буоллаҕына, өрөбүл күн үлэлээбиккитин иһин, икки бүк үрдүк хамнаһы ирдиир бырааптааххыт. Бу барыта үлэ дуогабарыгар сурулла сылдьар, онон болҕойон ааҕаргыт оруннаах буолуо”- диэн, юрист чопчулаата.