29 Кулун тутар 29.03
  • -11°
  • $ 92,26
  • 99,71

Сэтинньи бастакы күннэригэр Саха сирин сорох оройуоннарыгар -35 кыраадыска тиийэ тымныйыаҕа

Читайте нас на
Яндекс Новости
ЯДВ

Синоптиктар сэтинньи бастакы күннэригэр Саха сиригэр температура намтыырын, хаардыырын уонна тыалырарын билгэлииллэр. Сэтинньи бастакы күнүгэр регион хотугулуу-илин  -35 кыраадыска диэри тымныйыаҕа,-диэн СИА Саха УГМС саайтыгар сигэнэн кэпсиир.

Оптуорунньукка, сэтинньи 1 күнүгэр, өрөспүүбүлүкэ арҕаа уонна соҕуруулуу-арҕаа, ону тэҥэ киин уонна соҕуруулуу-илин кыралаан хаардыаҕа. Нерюнгри, Анаабыр, Булуҥ оройуоннарыгар 15-20 м/с тиийэ тыалырыаҕа. Маны тэҥэ тыаллаах күн-дьыл Алдан, Нерюнгри оройуоннарыгар туруоҕа.

Түүн киин оройуоннарга салгын температурата -12 … -17 °С диэри түһүөҕэ, дьэҥкэрдэҕинэ -17… -22 °С, хотугулуу-арҕаа, хотугулуу-илин  -30 ° С… -35 °С, соҕуруу -3… -8 °С, күнүһүн -7… -12 °С, соҕуруу, соҕуруулуу-илин -4… + 1 °С, хотугулуу-арҕаа -12… -17 °С, хотугулуу-илин -17 ° С… -22 °С буолуоҕа.

Сэтинньи 2 күнүгэр, Уус-Маайа уонна Алдан оройуонун илин өттүгэр күүстээх хаар түһүөҕэ. Сарсыныгар, сэтинньи 3 күнүгэр, Саха сирин соҕуруу өттүгэр уонна арҕаа оройуоннарга кыралаан хаардыаҕа. Бу куннэргэ 9-14 м/с тиийэ тымныйар тыал түһэрэр күүтүллэр.

Анаабыр, Булуҥ оройуоннарыгар түүнүн тыал 19-24 м/с диэри күүһүрүөҕэ. Салгын температурата киин оройуоннарга -17 °-22 °C, дьэҥкэрдэҕинэ -23 -28 °С, күнүһүн -9-14 °С. Хотугулуу-илин диэки түүнүн-30-35 °С, күнүһүн — 19-24 °. Соҕуруулуу-арҕаа күнүһүн хаардыыр кэмигэр -9-14 °С, сорох сиринэн -4-9 °с.

Следите за самым важным и интересным в Telegram-канале и WhatsApp-группе ЯСИА
Тутаах тыллар