Сэтинньи 30 күнэ. Хомус күнэ - Бикипиэдьийэ

Сэтинньи 30 диэн Григориан халандаарыгар сыл 334-с күнэ (ордук хонуктаах сылга 335-c күнэ). Сыл бүтүө 31 күн баар.

Бэлиэ күннэр:

• Саха Өрөспүүбүлүкэтэ — Хомус күнэ
• Аан дойдуга информация көмүскэлин күнэ. 1988 сыллаахтан көмпүүтэри уонна онно харалла сытар информацияны көмүскүүр ирдэнэрин туһунан дьоҥҥо санатаары бэлиэтэнэр.
• Украина — Украина сэбилэниилээх күүстэрин Радиотехническай сэриилэрин күнэ
• Пилипиин — Бонифасио күнэ

Түбэлтэлэр:

• 1700 — Бүөтүр I уонна швед хоруола Карл XII сэриилэрэ Наарва таһыгар кыргыспыттар. Нуучча сэриитэ элбэх ахсааннаах эрээри дисциплината мөлтөх, сэбэ-сэбиргэлэ тиийбэт буолан аҕыйах ахсааннаах эрээри толору бэрээдэктээх швед аармыйатыттан кыайтарбыт. Түөрт сылынан Бүөтүр I саҥа аармыйата Наарваны ылбыта.
• 1853 — Синоптааҕы кыргыһыы: Хара муоратааҕы Арассыыйа флота Осмаан флотун пуорка турдаҕына саба түһэн урусхаллаабыт. Баарыстаах флоттар бүтэһик кыргыһыыларынан ааҕыллар.
• 1922 — РСФСР састаабыгар Чечен автономнай уобалаһа тэриллибит.
• 1939 — ССРС Финляндияҕа саба түспүт, 3 ыйдаах Кыһыҥҥы сэрии саҕаламмыт. Бу сэриигэ фииннэр 20 сыл кэриҥэ бэлэмнэммит буолан быдан баһыйар күүстээх ССРС сэриитин утары туруулаһан дойдуларын көмүскээбиттэрэ. Ол да буоллар, Кыһыҥҥы сэрииттэн ССРС кыайыылаах тахсыбыта.
• 1956 — Алмааһы хостооччулар бөһүөлэктэрэ Мирнэй оробуочай бөһүөлэк стаатуһун ылбыт (муус устар 3, 1959 с. өрөспүүбүлүкэ иһинээҕи куорат буолбут; 1965 с. Миирнэй оройуонун киинэ буолбут).
• 1990 — Аан дойдутааҕы Хомус түмэлэ төрүттэммит.

Төрөөбүттэр:

• 1667 — Джонатан Свифт — Англия суруйааччыта, бөлүһүөгэ уонна түмэт диэйэтэлэ.
• 1817 — Теодор Момзен — ньиэмэс историга, филолог уонна юрист, литератураҕа 1902 сыллааҕы Нобель бириэмийэтин лауреата.
• 1835 — Марк Твен — Америка суруйааччыта, суруналыыһа уонна түмэт диэйэтэлэ.
• 1874 — Уинстон Черчилль — Улуу Британия бэлиитикэтин диэйэтэлэ, 1940—1945 уонна 1951—1955 сылларга премьер-миниистир.
• 1926 — Салима Каримова — 1968—1988 сылларга Соҕуруу Саха сиринээҕи комплекснай эспэдииссийэ кылаабынай геолога, Социалистыы Үлэ Дьоруойа.
• 1960 — Степан Сивцев — 2009-2013 сылларга көҥүл тустууга СӨ сүүмэрдэммит хамаандатын сүрүн тренерэ, көҥүл тустууга ССРС спордун маастара, СӨ үтүөлээх тренерэ.

Өлбүттэр:

• 1947 — Анна Неустроева — оҕо суруйааччыта, сахаҕа бастакы дьахтар суруйааччы, ССРС суруйааччыларын сойууһун чилиэнэ, фольклору хомуйааччы, түмэт диэйэтэлэ.
• 1997 — Лев Солдатов (19.12.1918 төр.) — 1969-1978 сылларга «Якуталмаз» Холбоһук генеральнай дириэктэрэ, Социалистыы Үлэ Дьоруойа.