Семен Данилов аатынан Бэрдьигэстээх орто оскуолатын өһүөтэ сууллунна. СИА-ҕа иһитиннэрбиттэринэн, быһылаан күнүс 12 чааска буолбут.
«Түбэлтэ уруок кэмигэр буолбут буолан эмсэҕэлээбит киһи суох. Өрөмүөн үлэтэ тута саҕаланна», — диэн Семен Данилов аатынан Бэрдьигэстээх орто оскуолата чуолкайдаата.
Санатан эттэххэ, Семен Данилов аатынан Бэрдьигэстээх орто оскуолата тыа сиригэр саамай улахан оскуола, быйыл балаҕан ыйыгар аһыллыбыта.
