100-тэн 1000 диэри ахсааннаах нэһилиэнньэлээх тыа сиригэр уонна дэриэбинэлэргэ интернети киллэриигэ куоластааһын түмүктэнэрэ чугаһаата. Кыайбыттарга 2026 сылга мобильнай интернет холбуохтара.
Куоластааһыҥҥа сэтинньи 9 күнүгэр диэри кыттаргытыгар инновация министиэристибэтэ көҕүлүүр.
Биэдэмистибэ дааннайынан, күн бүгүн өрөспүүбүлүкэ үрдүнэн 9000-тан тахса киһи быыбардарын оҥордулар.
Куоластааһын түмүгүнэн 4G база ыстаансыйата тутуллар нэһилиэнньэлээх пууннар ааттара чуолкайданыаҕа.
2021 сылтан, куоластааһын аан бастаан саҕаланыаҕыттан, мобильнай интернет Саха сирин 42 нэһилиэнньэлээх пуунугар тэриллибитэ. Эбии 17 нэһилиэнньэлээх пуун холбонуохтаах.
Хайдах куоластыыбытый
- Почтанан — РФ Минцифры сурук ыытаҕын, аадырыһа 123112, Москва, Пресненская наб., д. 10, стр. 2. Сурукка хас да киһи илии баттыан сөп. Сурукка аадырыскытын, ааккытын, интернет ханна тардыллыахтааҕын толору суруйҕыт;
- Госуслугаҕа сервис страницатыгар.
This post was published on 05.11.2025 16:12 16:12