15 От ыйа 15.07
  • 19°
  • $ 87,74
  • 95,76

Сарсын Дьокуускайга уонна кэккэ оройуоннарга тымныйыаҕа уонна ардахтыаҕа

Фото: Анна Лебединская/ЯСИА
Читайте нас на
Яндекс Новости
ЯДВ

Сарсын оптуорунньукка, атырдьах ыйын 1 күнүгэр, Дьокуускайга уонна кэккэ оройуоннарга кыралаан ардахтыаҕа уонна температура намтыаҕа диэн Дьокуускайдааҕы УГМС иһитиннэрэр.

Дьокуускайга атырдьах ыйын бастакы күнүгэр кыра ардах түһүөҕэ. Тыал күүһэ сөкүүндэҕэ 8-13 миэтэрэҕэ тиийиэн син. Түүнүн салгын температурата +8+10 кыраадыска тиийэ түһүөҕэ, күнүһүн +16 +18 кыраадыс сылаас туруоҕа.

Киин оройуоннарга уонна өрөспүүбүлүкэ илин өттүгэр эмиэ ардах түһэрэ күүтүллэр. Соҕуруулуу-арҕаа уонна соҕуруу — этиҥнээх ардах түһүөҕэ.

Киин оройуоннарга күнүскү температура +17 +22 кыраадыс, хотугулуу-илин +12+17, арҕаа уонна соҕуруу +22+27 сылаас буолуоҕа.

Саха сирин күнү-дьылы кэтээн көрөр сулууспа начальнига Татьяна Маршалик, СИА-ҕа эрдэ иһитиннэрбитинэн, атырдьах ыйын 3 күнүттэн температура +25 +30 кыраадыска диэри үрдүөҕэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар