Сүүрүк Сардана Трофимова Германияҕа буолбут Франкфуртскай марафоҥҥа кытынна. Кини 2 чаас 28 мүнүүтэ 50 сөкүүндэ көрдөрүүлээх фиништаата, онон алтыс буолла, суруйар СИА.
Санаттахха, Саха сириттэн төрүттээх спортсменка быйылгыттан Кыргызстантан кыттар. Франкфуртскай марафоҥҥа, алтынньы 30 күнүгэр Германияҕа буолбукка, Сардана Трофимоваҕа 2019 сыллааҕы аан дойдутааҕы чемпионат кэнниттэн, бастакы норуоттар ардыларынааҕы старда буолар. Оччолорго Сардана нейтральнай статустаах сүүрбүтэ.
Марафон кыайыылааҕын бириэмэмэ — 2 чаас 23 мүнүүтэ. Балтараа мүнүүтэнэн иккис призерка финишка кэллэ.
Бэлиэтээн эттэххэ, Сардана Трофимова Франкфуртскай марафоҥҥа иккис сүүрүүтэ. Кини аан бастаан манна 2015 сыллаахха стартка тахсыбыта , көрдөрүүтэ — 2 чаас 24 мүнүүтэ 38 сөкүүндэ.
