Саха сирин аатырбыт спортсмена Сардаана Трофимова чэпчэки атлетика федерацияларын норуоттар икки ардыларынааҕы ассоциацията сөбүлэҥин биэрдэҕинэ, аан дойду чемпионаттарыгар официальнайдык кыттыан сөп. Тэрилтэҕэ сайаапка номнуо бэрилиннэ. Бу туһунан СИА-ҕа спортсмен тренерэ Татьяна Жиркова кэпсээтэ.
Санатан эттэххэ, саха чэпчэки атлетката, сүүрүүгэ Арассыыйа биэс төгүллээх чемпиона. Билигин Сардаана Трофимова Кыргызстан гражданствотын ылан, өрөспүүбүлүкэ сүүмэрдэммит хамаандатыгар көспүтэ.
«Билигин Сардана алтынньы 30 күнүгэр ыытыллар Франкфуртскай марафоҥҥа бэлэмнэнэр. Үчүгэй туруктаах сылдьар. Биһиги чэпчэки атлетика федерацияларын норуоттар икки ардыларынааҕы ассоциацияларыгар сайаапка ыыппыппыт. Кинилэр эппиэттэрин күүтэбит, оччоҕо аан дойдутааҕы чемпионат официальнай стартыгар кыттыахпытын син буолар. Билигин аан дойду стартыгар тахсар бырааптаах эрээри, официальнайа суох», — диэтэ Татьяна Жиркова.
Эрдэ Сардана Трофимова 2024 сылга Парижка буолар Олимпийскай оонньууларга кыттар былааннааҕын туһунан биллэрбитэ.
