Сардаана Трофимова Азия хамаанданан чемпионатыгар полумарафон сүүрүөҕэ. Күрэхтэһии сэтинньи 11 күнүгэр Дубайга ыытыллар, диэн СИА кэпсиир.
«Сэтинньи 11 күнүгэр Дубайга буолар Азия хамаанданан чемпионатыгар полумарафоҥҥа кыттыахтаахпын. Аны саастан саҕалаан марафоннарга кыттыаҕым», — диэн Сардаана Трофимова иһитиннэрдэ.
Спортсменка Дубайга номнуо көттө. Азия хамаанданан чемпионата сэтинньи 11 күнүгэр сахалыы бириэмэнэн 12 чаастан саҕаланар. Күрэхтэһиигэ хамаанданан кытталлар. Полумарафоҥҥа (21,1 км) Кыргызстан сүүмэрдэммит хамаандатын састаабыттан түөрт спортсмен сүүрүөҕэ, ол иһигэр Сардаана Трофимова. Зачекка үс бастыҥ көрдөрүүлээх хамаанда киириэҕэ.
