26 От ыйа 26.07
  • 20°
  • $ 85,41
  • 93,17

Санаторийга босхо путевканы хайдах ылыахха сөбүй?

Хаартыска: Саха сирэ саайт
Читайте нас на
Яндекс Новости
ЯДВ
Сынньалаҥ киһиэхэ барытыгар – оҕолорго, улахан дьоҥҥо уонна кырдьаҕастарга тэҥинэн наадалаах.

Нэһилиэнньэ араас араҥатыттан чэпчэтиинэн туһанааччылар сыл аайы санаторийга-курортка путевканы босхо туһанар бырааптаахтар. Ону хайдах ылылларый?

Босхо сынньалаҥ көрүллэр: ⠀

— Инбэлииттээх дьоҥҥо;

— Аҕа дойду Улуу сэриитин кыттыылаахтарыгар, тыыл үлэһиттэригэр;

— Байыаннай дьайыылар бэтэрээннэригэр, өлбүт буоллахтарына – дьиэ кэргэттэрин чилиэннэригэр;

— “Блокадалаах Ленинград олохтооҕор” уонна “Төгүрүктэммит Севастополь олохтооҕо” бэлиэлэринэн  наҕараадаламмыттарга;
— Чернобыллааҕы атомнай электростанцияҕа саахалга эмсэҕэлээбиттэргэ.

⠀Социальный пуонда нөҥүө путевканы хайдах ылыахха:

— Докумуоннаргытын хомуйан,  “Судаарыстыба өҥөтө” порталга,  социальнай пуонда отделениетыгар эбэтэр Элбэх хайысхалаах кииҥҥэ (МФЦ) сайабылыанньаҕын ыыт — эйигин уочаракка туруоруохтара;

— путевка биэрэллэрэ бигэргэннэҕинэ, бырааска тиийэн санаторий-курорт каартатын толортор;

— ол кэнниттэн сынньана барыахтаах сиргэр билиэккин  ылыаххын сөп.

Социальнай пуонда чэпчэтии көрүҥүттэн көрөн, билиэт сыанатын толору эбэтэр сорҕотун толуйар.

Бохсо путевканы Мэдиссиинэ булгуччулаах страховкатын полиһынан ылыахха эмиэ сөп (ыараханнык ыалдьыбыт эбэтэр эпэрээссийэлэммит, доруобуйаҕын чөлүгэр түһэрэргэ наадыйар буоллаххына). Онуоха терапевт-быраастан санаторийга эмтэнэ бараргын бигэргэтэр суругу ылыахтааххын уонна быраас хамыыһыйатын ааһыахтааххын, түмүк быһаарыыны күүтүөхтээххин.

Сынньана барарга направлениены уочаратынан биэрэллэр. Ханнык эмэ ыарыыта сытыырхайбыт киһиэхэ путевканы үтүөрүөр диэри биэрбэттэр, «Саха сирэ» саайт.

Следите за самым важным и интересным в Telegram-канале и WhatsApp-группе ЯСИА