Саха сиригэр быйыл сүөһү сиир отун 435 тыһыынча туоннаны, 13,4 тыһыынча сенаһы уонна 24 тыһыынча сиилэһи бэлэмниэхтэрэ. Сүөһү сиир отун бэлэмнээһин хампаанньатын тэрийии туһунан мунньаҕы Ил Дархан Айсен Николаев ыытта.
«Оройуон аайы үлэ барар. Муниципалитеттар этиилэрин мунньахха иһиттибит. Барыта болҕомтоҕо ылыллыаҕа. Түмүк үчүгэй буолуохтаах, былырыыҥҥыга тэҥнээтэххэ», — диэн салайааччы телеграм-ханаалыгар суруйда.
Регион баһылыга мунньах түмүгүнэн соруктары туруорда. Ол иһигэр ходуһалар туруктарын тупсарыыга, техника бэлэмэ, оту тиэйии-таһыы кыһалҕалара, сүөһү аһын бэлэмнээһиҥҥэ ыарахаттары көрсүбүт хаһаайыстыбалары үбүнэн өйөөһүн.
This post was published on 05.06.2025 16:02 16:02