Саха сирин бырабыыталыстыбатын бэрэссэдээтэлин солбуйааччы Ольга Балабкина бэс ыйын 20 күнүгэр Нерюнгри оройуонугар буолар «Бакалдын» норуоттар икки ардыларынааҕы национальнай бырааһынньыгы бэлэмниир, тэрийэр кэмитиэт мунньаҕын ыытта. Ыытыллар сирэ «Амикан» пааркаҕа Таастаахха буолуоҕа, оттон бырааһынньык бэлиэтэ — норуоттар сомоҕолоһуулара.
«Бүгүн Саха сирин баһылыга Айсен Николаев дьаһалынан тэриллибит өрөспүүбүлүкэтээҕи тэрийэр кэмитиэт бастакы мунньаҕын ыытабыт. Нерюнгри оройуонугар «Бакалдын» диэн эбэҥки национальнай бырааһынньыга Россияҕа норуоттар сомоҕолоһууларын сылыгар, Саха сиригэр култуура сылыгар уонна эбэҥки Иенгра сэлиэнньэтин 100 сылыгар анаммыт үрдүк тэрээһиннээх таһымҥа ыытыллыахтаах», — диэн Ольга Балабкина тоһоҕолоон бэлиэтээтэ.
Нерюнгри оройуонун баһылыгын эбээһинэһин толорооччу Максим Терещенко оройуоҥҥа хайыы-үйэ кэнсиэпсийэни, брендбугу, сакральнай сиэри-туому, ону тэҥэ кэлэр бырааһынньык театрализованнай, дьыалабыай, культурнай уонна спортивнай бырагыраамаларын дьүүллэспитин иһитиннэрдэ.
«500-тэн тахса официальнай кыттааччы, 3 тыһыынчаттан тахса ыалдьыты күүтэбит. Таастаахха улахан дьоҥҥо эрэ буолбакка, оҕолорго эмиэ элбэх араас былаһаакка тэрийэр былааннаахпыт. Бу бэлиэ тэрээһин кини кыттыылаахтарын сүрэхтэригэр чаҕылхай суолу хаалларарын туһугар бары сырабытын ууруохпут, Саха сирин культурнай баайын дьоһуннаахтык билиһиннэриэхпит, Нерюнгри оройуона ыалдьыты көрсөр үгэһин көрдөрүөхпүт», – диэтэ Максим Терещенко.
Дьыалабыай чааска эбэҥкилэр тылларын, ураты культураларын уонна үгэс буолбут хаһаайыстыбаларын харыстааһыны дьүүллэһэр былааннаахтар. Культурнай бырагыраама фольклор кэлэктииптэрин, норуот маастардарын этиилэрин уонна национальнай астары боруобалааһыны киллэриэҕэ. Спортивнай чааһыгар ыалдьыттары эбэҥки национальнай көрүҥнэригэр тургутуһуу күүтэр.
Вице-президент Ассоциации коренных малочисленных народов Севера, Сибири и Дальнего Востока РФ, председатель Союза эвенков России Артур Гаюльский, участвовавший в заседании по видеосвязи, поблагодарил руководство республики за проведение
РФ Хоту, Сибиир уонна Уһук Илин төрүт аҕыйах ахсааннаах норуоттарын Ассоциациятын вице-президенэ, Россия эбээннэрин Союһун бэрэссэдээтэлэ Артур Гаюльскай видеонан мунньахха кыттынна уонна өрөспүүбүлүкэ салалтатыгар Саха сиригэр «Бакалдын» ыытарыгар махтаннаКини маннык тэрээһиннэр норуоттар икки ардыларыгар сибээһи уонна үгэстэри олохтооһуҥҥа туһалаахтарын бэлиэтээтэ.
«Бакалдын» — күнү, сайыны көрсүһүү национальнай эбэҥки бырааһынньыга, ону таһынан уһун тыйыс кыһын кэнниттэн дьиэ кэргэттэр уонна аҕа уустарын көрсүһүүлэрэ. Кини биир санааланыыны, айылҕа сөргүтүллүүтүн уонна этэҥҥэ буолууга эрэли көрдөрөр. Эбэҥкилэр Арассыыйаҕа, Кытайга уонна Монголияҕа олороллор.
