24 От ыйа 24.07
  • 25°
  • $ 87,3
  • 95,46

Сайсарыга — оҕо оонньуур былаһааккалара

18:11, 30 июля 2018
Текст:
Читайте нас на
Яндекс Новости
ЯДВ

Дьокуускайга сайыҥҥы былдьаһыктаах күннэргэ өрөмүөн үлэтэ элбиир. Олортон биирдэстэринэн, оҕо былаһааккаларын тупсараллара кэрэхсэбиллээх. Якутск.рф. саайт суруйарынан, Сайсарыга оҕо оонньуур былаһааккалара саҥардыллан, олохтоохтор, ордук оҕолор үөрбүттэр. 


Сайсары уокуругар Лонгинов 42/1, 42/2, 42/4 ,42/6 элбэх кыбартыыралаах дьиэлэр ыстаарысталарын уонна онно олорор дьон кыһамньыларынан, туруорсууларынан, түмсүү тэриллибит. Ол түмүгэр, Сайсары уокуругун управлениетын 2018 с. үлэтигэр, инники былааныгар балачча өйөбүл оҥоһуллубут.

Ол курдук, от ыйыгар оҕо былаһааккаларын сэргэ, Лонгинов 42/1, 42/2, 42/4   дьиэлэр сирдэригэр-уоттарыгар тупсарыы үлэлэр ыытыллыбыттар. Кумах аҕалыллыбыт, болҕомтону тардар бэртээхэй оҕо былаһааккалара саҥардыллыбыттар, о.д.а. кэккэ үлэлэр ыытыллыбыттар.

Онон бу эҥээргэ олорор дьон-сэргэ сүргэтэ наһаа көтөҕүллүбүт. «Управабытыгар махтал. Оҕолорбут оонньуулларыгар наһаа үчүгэй, киһи эрэ үөрэн-астынан сынньанар, оҕотун оонньотор бэртээхэй былаһааккаланныбыт. Бары наһаа үөрэбит, астынабыт. Кырачааннар маннык үчүгэй, чаҕылхай өҥнөөх, киһини эрэ умсугутар араас оонньуурдардаах сиргэ кэлэ охсоору тиэтэйэллэр. Маннык кырасыабай оонньуур сири көрө да иликтэр буоллаҕа. Бэл, ааһан иһэр дьон көрөн сөҕөллөр, үөрэллэр, хайгыыллар. Ыаллыы олорор дьиэлэртэн оҕолор манна оонньуу кэлэллэрэ элбээтэ. Биллэн турар, көҥүллээн оонньотобут. «Кылаабынайа, харыстааҥ» диибит», — диэн үөрүүлэрин үллэстибиттэр.

Оҕолор саҥа былаһааккаҕа оонньоон элбэх доҕоттордонуохтара, саҥаҕа, сонуҥҥа үөрэниэхтэрэ, кэрэни кэрэхсиэхтэрэ. Бу эҥээр дьиэлэргэ олорор дьон, оҕолор ыстаарысталарыгар уонна Сайсары уокуругун управатыгар махталлара муҥура суох. Көрүҥ, хайдахтаах кэрэний!

Следите за самым важным и интересным в Telegram-канале и WhatsApp-группе ЯСИА