Бүгүн, алтынньы 22 күнүгэр, Сайдыытааҕы олох-дьаһах хаһаайыстыбатын тэрилтэтин эр дьоно муус ыллылар. Нэһилиэк тэрилтэлэригэр уонна кырдьаҕастарга анаан субуотунньуктуур буолбуттара хаһыс да сыллара.
Сайдыытааҕы учаастах маастара Михаил Иннокентьевич Бурцев иһитиннэрбитинэн, үлэһиттэр бука бары биир киһи курдук тахсан, үс массыына мууһу ыллылар.
Дьаһалта баһылыгын солбуйааччы Руслан Русланович Семенов ылыллыбыт мууһу тыраахтарынан тэрилтэлэргэ, кырдьаҕастарга тиэйтэрэргэ дьаһал биэрдэ.
Виталий Николаевич Соловьев салайааччылаах уот ситимин үлэһиттэрэ
биир күннэрин муус ылыытыгар анаатылар.
Нэһилиэнньэ уонна тэрилтэлэр олох-дьаһах хаһаайыстыбатын уонна уот ситимин эр дьонугар махталлара муңура суох.
Ааптар: Раиса ЧИРИКОВА, Дьааҥы улууһа
This post was published on 22.10.2019 14:55 14:55