18 Тохсунньу 18.01
  • -48°
  • $ 73,82
  • 83,32

«Сайбалаах» лааҕыр оҕолоро бастакы отторун туруордулар

17:04, 08 августа 2016

Байды нэһилиэгэр Кудриннар дьиэ кэргэн оҕолор үлэ-сынньалаҥ лааҕырдарын үлэлэппиттэрэ быйыл 18-с сыл буолла. Кинилэр Сайбалаах учаастакка оскуола оҕолорун кытта оттууллар.


Лааҕыр быйыл 15 тонна от былааннаах. Салайааччы Афанасий Васильевич биллэрэринэн, оттуур ходуһалара былырыыҥҥытааҕар үүнүүтэ мөлтөх. Ол гынан баран оҕолор санааларын түһэрбэккэ, былааннарын толорор сыаллаахтар.

Оҕолор уонна улахан дьон илиинэн оттууллар, кэбиһэллэр. Кэбиһиигэ нэһилиэктэн биирдиилээн эр киһи көмөҕө кэлэр. Оҕолор ыарахан үлэттэн толлубакка, төһө кыахтарынан нэһилиэктэрин тустарыгар үлэлииллэр, сүөһүлэрэ кыстыгы этэҥҥэ туоруулларыгар бары күүһү уураллар. Билиҥҥи туругунан, 5 тоннаттан тахса от кэбиһиилээхтэр.

от0

Лааҕыр салайааччылара Варвара уонна Афанасий Кудриннар сылын аайы лааҕыр үлэлииригэр үбүлээн көмөлөһөр улуус дьаһалтатыгар итиэннэ оҕолорун эрэнэн биэрэр төрөппүттэргэ махтаналлар.

Атырдьах ыйын 4 күнүнээҕи туругунан, улууска от былаана 19% туолан иһэр, ол эбэтэр 1604 тонна от бэлэмнэннэ. Бастакы Мээтис нэһилиэгэ былаанын 28% толордо. Салгыы былааннарын 19% толорбут нэһилиэктэринэн Бастакы Хаҥалас, Иккис Мээтис, Сиэн Күөлэ уонна Хатыҥнаах буолаллар.

Резервэҕэ Байды нэһилиэгэ — 60, Иккис Мээтис 2 тонна бэлэмнээтилэр.

Уопсайа 523 киһи биир күн дьылы аһатарын өйдөөн туран, сылаас күннэри баттаһа оттуу сылдьар.

от

0
0
18 января 18.01
  • -48°
  • $ 73,82
  • 83,32