Горнай улууһугар «Саханефть» өйөбүлүнэн ойуур бизоннарын кэтээн көрөр уонна харыстыыр иккис пуун арыллар. Ол туһунан регион салалтатын пресс-сулууспата суруйар.
Саҥа эбийиэк Горнай улууһун Наача сиригэр-уотугар тэриллэр, «Сиинэ» айылҕа пааркатын территориятыгар. Тэрээһин үлэлэр 2025 сыл атырдьах ыйа — балаҕан ыйа түмүктэниэхтэрэ.
Пууҥҥа бизоннар көһүүлэрэ уонна кыһын аска киирии кэмигэр мониторинг оҥоһуллар, маны сэргэ от үүнүүтүн хаачыстыбатын көрөллөр, аһы тириэрдиигэ-таһыыга бааза буолар, иниспиэктэрдэр үлэлэригэр көмөлөһөр.
Санаттахха, хампаанньа «Реакклиматизация лесного бизона в Центральной Якутии» бырайыагы ааспыт сылтан ыытар.
Бырагыраама көҕүлээччитинэн – экология министиэристибэтэ буолар.
This post was published on 31.07.2025 12:26 12:26