14 От ыйа 14.07
  • 24°
  • $ 87,74
  • 95,76

Сахалыы тиэрминнэри бигэргэтэн эрэллэр

Читайте нас на
Яндекс Новости
ЯДВ

От ыйын 21 күнүгэр Саха Өрөспүүбүлүкэтин саха тылын тиэрминнэрин хамыыһыйатын иккис мунньаҕар дьоҥҥо-сэргэҕэ киэҥник тарҕаммыт, туттулла сылдьар сорох тиэрминнэри бигэргэттилэр. Мунньаҕы хамыыһыйа бэрэссэдээтэлэ, вице-премьер Сергей Местников иилээн-саҕалаан ыытта.

Бу сырыыга тиэрмин хамыыһыйатын чилиэннэрэ көрүүгэ киллэрбит, улахан мөккүөрэ суох, туттулла сылдьар тыллары көрдүлэр-ырыттылар. Мунньахха  хамыыһыйа чилиэннэрин, СӨ тиэрминнэрин өрөспүүбүлүкэтээҕи хамыыһыйатын бэрэссэдээтэлин солбуйааччы Римма Жиркова, М.К.Аммосов аатынан Хотугулуу-Илиҥҥи федеральнай университет Хотугулуу-Илиҥҥи норуоттар тылларын уонна култуураларын институтун дириэктэрэ Гаврил Торотоев, Гуманитарнай чинчийии уонна аҕыйах ахсааннаах хотугу норуоттар кыһалҕаларын институтуттан наука эйгэтигэр саха тылын салаатын сэбиэдэссэйэ Надежда Данилова дакылааттарын истэн баран, санаа атастаһыы кэнниттэн, куоластааһын түмүгэр бүтэһиктээх быһаарыныы ылыннылынна. Боротокуолунан дьон-сэргэ туттуутугар киирэн, хайа-сах туттулла сылдьар бастакы 27 сахалыы тиэрмин  бигэргэннэ.

Ол курдук, бу тыллары мантан инньэ маннык туттарбыт ирдэнэр:
  • Предпринимательство — Урбаан
  • Предприниматель — Урбаанньыт
  • Музей — Түмэл
  • Детский сад — Уһуйаан
  • Наука — Билим
  • Глобальная сеть — Куйаар ситим (интернет)
  • Остановка — Тохтобул
  • Система — Тиһик
  • План — Торум
  • Проект — Барыл
  • Модель — Оҥкул
  • Принцип — Тосхол
  • Расписание — Наардал
  • Дневник — Күннүк
  • Гимн — Өрөгөй ырыата
  • Образ — Дьүһүлгэн
  • Пандемия — Хамсык
  • Мультфильм — Ойуулук
  • Псевдоним — Айар аат
  • Аптека — Эмтиэкэ
  • Реклама — Угуйук
  • Ссылка — Сигэ
  • Приложение — Сыһыарыы
  • Конфронтация — Күөнтэһии
  • Конкуренция — Күрэстэһии
  • Море — Байҕал
  • Океан — Далай

Ульяна Захарова, Саха сирэ

Следите за самым важным и интересным в Telegram-канале и WhatsApp-группе ЯСИА