15 От ыйа 15.07
  • 22°
  • $ 87,74
  • 95,76

Сахалыы киинэ барыта биир сиргэ: Өрөспүүбүлүкэҕэ бастакы онлайн-киинэ тыйаатыра үлэлиир

16:02, 26 октября 2016
Текст:
Читайте нас на
Яндекс Новости
ЯДВ

Саха сиригэр оҥоһуллубут 70 киинэни sakhamovie.ru онлайн-киинэ тыйаатырыгар көрүөххэ сөп. Сороҕо босхо, атына атыыга эбэтэр уларсыкка тахсар.


Биир киинэ сыаната – 200 солк., үс күҥҥэ уларыстахха — 30-100 солк. Урукку киинэлэри босхо көрүөххэ сөп.

Саайт продюсера Ньургун Иванов СИА-ҕа бу сервис туһунан кэпсээтэ: «Мантан ыла сахалыы киннэлэри аны интнернеккэ көрдөөбөппүт. Кистэл буолбатах, үгүспүт тыйаатырга тахсыбыт киинэлэри баттаһа көрбөккө хаалабыт. Урукку киинэлэри көрүөххүн, аны хантан да булбаккын».

2014 сыл балаҕан ыйыттан ыла sakhamovie.ru саайт үлэлиир. Саайты Анатолий Симонов оҥордо. Ньургун Иванов кинилиин бииргэ саайты үлэлэтэллэр. Киинэлэри таһынан киинэ искусствотын биллэр-көстөр дьонун Instagram ситимҥэ тахсыбыт хаартыскалара бааллар, ону таһынан киинэ туһунан сибиэһэй сонуннар тиһигин быспакка тахсаллар.

Онлайн-киинэ тыйаатырыгар официальнай прокат уонна DVD кэнниттэн киинэ тахсар. «Холобур, «Сайсары күөлгэ» киинэни күүппүппүт. Ол эрээри киинэ араас фестивалларга кыттыбыта уонна атын аатынан таҕыста. Оттон «Муммуттар» DVD саҥа уһуллар», — диир Иванов.

Киинэ хаһан тахсарын, сыанатын бырааптаах киһи бэйэтэ быһаарар. «Биһиги кинилэргэ көрдөрөр сири биэрэбит. Онтон атынан продюсер, режиссер бэйэлэрэ быһаараллар. Дуогабар түһэрсэбит, барыстан 50% киинэни оҥорон таһаарбыт дьоҥҥо барар», – диир кини.

Sakhamovie.ru дьон сыанабылыттан тустаах рейтини оҥоруоҕа. Онтон дьон саамай биһирээбит киинэтин талабыт. Ону таһынан саайты оҥорооччулар телевизионнай биэриилэри уонна музыкальнай кэнсиэрдэри дьон болҕомтотугар таһаарыахтара.

Следите за самым важным и интересным в Telegram-канале и WhatsApp-группе ЯСИА