Бириэмэ хаамыытын сахалар хайдах быһааралларын «Ньурба» хаһыат телеграм-ханаалыгар таһаарда.
Чыпчылыйыах бэтэрээ — сөкүүндэ.
Күөс быстыҥа — биир чаас устата.
Биир ууну утуйуу — икки, үс чаас утуйуу.
Куоратчыт кэмэ — сарсыарда түөрт чаас.
Түүн үөһэ — түүн уон икки чаас.
Күн ортото — күнүс уон икки чаас.
Сарсыардааҥҥы ыам — сарсыарда алта чаас.
Күнүскү ыам — күнүс уон биир чаас.
Түөртүүр ыам — күнүс түөрт чаас.
Киэһээҥҥи ыам — киэһэ аҕыс чаас.
Тыҥ хатыыта — сарсыарда халлаан быһах биитинии сырдыыта.
Суһуктуйуу — халлаан сырдаан эрэрэ.
Омурҕан устата — түөрт чаас устата.
Түүннээх күн — биир суукка.
Источник: @gazetanyurba
