Аммаҕа оҕо оскуолатын дириэктэрин солбуйааччы Виктория Владимирова төрүттээбит “Сахаачча ааҕыылара” сыллата далааһына улаатан, суолтата соноон иһэр. Быйыл Николай Захаров-Сахаачча үбүлүөйдээх сылыгар сүүрбэттэн тахса дакылааты иһиттилэр.
“Сахаачча ааҕыылара” научнай-практическай конференция оҕолор да, учууталлар да чинчийэр дьоҕурдарын, дириҥник эҥсэн үөрэтэр сатабылларын чочуйан биэрэр бырайыак үтүө түмүктэрдээх. Бу ааҕыыны далаһа оҥостон тириэньэрдэр Кирилл Павлов, Афанасий Адамов, Александр Капитонов, Василий Кузьмин, Алексей Бурнашев, Андрей Барашков о.д.а. өрөспүүбүлүкэ араас күрэх конференцияларыгар кыайбыт-хоппут холобурдара элбэх.
Дакылааттааччылары үс бөлөҕүнэн арааран иһиттилэр. Сүрүн дьүүллүүр сүбэҕэ Виктория Владимирова, тириэньэр Василий Кузьмин, спорт бэтэрээнэ Николай Гурьев, үөрэх управлениетын исписэлииһэ Майя Кармановаүлэлээтилэр.
Ааҕыы түмүгүнэн бастыҥнары быһаарбыттара маннык буолла: физкультура учууталларыгар уонна тириэньэрдэргэ 3 ист. диплому хайыһар тириэньэрэ Алексей Бурнашев, 2 ист. диплому 2 №-дээх Амма оскуолатын физкультураҕа учуутала Максим Романов, 1 ист. диплому эмиэ хайыһар тириэньэрэ Александр Стручков ыллыллар. Оҕолорго 3 ист. диплом Болугур оскуолатын 10 кылааһын үөрэнээччитэ Степа Пермяковка, 2 ист. диплом 2№-дээх Амма орто оскуолатын 11 кылааһын үөрэнээччитэ Максим Николаевка, 1 ист. диплом Соморсун оскуолатын 10 кылааһын үөрэнээччитэ Эрчим Васильевка тигистэ. Итиэннэ “Сулустуу сандаарбыт Сахаачча” диэн ким баҕалаах кыттар бөлөҕөр 3 ист. дипломанынан Чурапчы спортивнай оскуолатын 8 кылааһын үөрэнээччитэ Диодора Другина, 2 ист. дипломанынан үлэ бэтэрээнэ Михаил Жирков, 1 ист. дипломанынан лицей үөрэнээччилэрэ Александр Ксенофонтов уонна Валерий Тылбыков буоллулар.
Онтон быйылгы “Сахаачча ааҕыыларын” бастыҥ дакылаатынан тустуу тириэньэрэ Афанасий Адамов үлэтэ ааттанна.
Ааптар Оле Егоров, Амма олоҕо хаһыат
