Сэтинньи 23 күнүгэр Дьокуускайга Саха тылын, литературатын уонна култууратын учууталларын өрөспүүбүлүкэтээҕи съеһэ буолан ааста. Өрөспүүбүлүкэ бастыҥ педагогтарыгар үөрэх сайдыытыгар улахан кылааттарын иһин судаарыстыбыннай наҕараадалары уонна бириэмийэлэри туттардылар, диэн СИА кэпсиир.
«Съезкэ үөрэх сайдыытыгар чахчы дьоһуннаах этиилэри иһиттибит, судаарыстыба учууталлары өйүөҕэ. Бүгүн биһиги үүнэр көлүөнэҕэ төрөөбүт тылын билэрэ төһө суолталааҕын өйдүөх тустаахпыт», — диэн Саха сирин бырабыыталыстыбатын бэрэссэдээтэлин солбуйааччы Сергей Местников бэлиэтээтэ.
Тэрээһиҥҥэ пленарнай мунньаҕы, быыстапкалары тэрийдилэр, Саха тылын сайыннарыы тематыгар дискуссиялар ыытылыннылар. Саха сирин оройуоннарыттан 500 учуутал делегат быһыытынан кыттыыны ыллылар.
Санатан эттэххэ, съезд түмүгүнэн учууталлар идэлэрин таһымын үрдэтэр уонна үөрэтиигэ аныгы методикалары киллэрэр туһунан этиилэр оҥоһуллуохтара.
