Устар бөлөххө тымныы халлаан мэһэйдээбит. Киинэни Тверь уобалаһыгар уонна Подмосковьеҕа уһуллулар. Сорох күн -25 кыраадыс турда, ити эрээри сахаларга маннык күн-дьыл сааһы санаппыт.
«Устар былаһааккаҕа олус үчүгэй этэ. Уһуллуу кэмигэр сорохтор тымныыттан саллыбыттара. Оттон биһиэхэ, сахаларга, саас курдуга. Ат үрдүгэр үс-түөрт чаас олорорбут. Саамай ыарахана монгол тылын үөрэтии, күнү быһа эрчиллэр этибит», — кэпсээтэ ЯСИАҕа Саха тыйаатырын артыыһа Василий Борисов.
«Злой город» киинэ бүгүн, тохсунньу 30 күнүгэр, тахсар.
«Киинэҕэ мин кэллиэгэлэрим Олоҥхо тыйаатырын артыыһа Дмитрий Алексеев уонна Саха тыйаатырыттан Герасим Васильев уһулуннулар. Көстүүмнэрэ олус үчүгэй, биһиэхэ анаан тикпиттэр. Хаан Батыйаны оонньуур миэхэ олус суолталаах, геройу сөпкө көрдөрөр ирдэнэрэ. Олус сыаналаах уопут буолар», — диэтэ Василий Борисов.
Олунньу 20 күнүгэр «Красный шелк» диэн боевик тахсар, манна Борисов киллеры оонньоото. Бу актер норуоттар ардыларынааҕы бырайыакка бастакы уопута буоларын кэпсээтэ.
