16 От ыйа 16.07
  • 23°
  • $ 87,81
  • 95,78

Саха сириттэн сылдьар дьиэ кэргэн Амур уобалаһыгар суол саахалыгар түбэстэ

Читайте нас на
Яндекс Новости
ЯДВ

Саха сириттэн сылдьар дьиэ кэргэн, Владивостоктан кэлэн иһэн Амур уобалаһын Свободненскай оройуонугар «Амур» федеральнай автомобильнай суол 1375-һис километрыгар саахалга түбэстэ. Быһылаан түмүгэр 41 саастаах дьахтар уонна 8 саастаах оҕо өллө, диэн РФ СК Приамурье пресс-сулууспата иһитиннэрэр.

«Ыал аҕа баһылыга иннигэр айаннаан иһэр массыынаны ситээри утары айаннаах суол балаһатыгар тахсыбыт, уонна утары испит БЦМ-59 самосвал массыынатын кытары харсыбыт, ол түмүгэр улахан массыына суол кытыытыгар аллараа умса барбыт.  Оттон дьиэ кэргэннэх легковой массыына суол  күрүө хаһаатыгар  уонна айаннаан испит Урал массыынаҕа баран түспүт», — диэн биэдэмистибэ биллэриитигэр ыйбыт.

Легковой массыына иннитигэр олорбут суоппар кэргэнэ тута быһылаан тахсыбыт сиригэр өлбүтэ бэлиэтэнэр. Эр киһи бэйэтин, ону тэҥэ кэлин сидиэнньэҕэ олорбут  8 уонна 14 саастаах икки оҕотун балыыһаҕа илдьибиттэр. Кыра оҕо балыыһаҕа өлбүт.

Следите за самым важным и интересным в Telegram-канале и WhatsApp-группе ЯСИА
Тутаах тыллар