24 Олунньу 24.02
  • -38°
  • $ 92,75
  • 100,44

Саха сириттэн СВО кыттыылаахтара «Бэс Чагда» санаторийга доруобуйаларын туругун чэбдигирдэллэр

14:33, 05 декабря 2023
Текст:
Хаартыска: Регион салалтатын пресс-сулууспата
Читайте нас на
Яндекс Новости
ЯДВ

Москва кытыытынааҕы «Бэс Чагда» санаторийга Саха сириттэн анал байыаннай дьайыыга кыттар уонна кинилэр дьиэ кэргэттэрин доруобуйаларын туругун чэбдигирдэллэр. Кинилэр ортолоругар Дьокуускайтан баҕа өттүнэн СВО-ҕа барбыт, бааһырбыт, санаторийга эмтэнэр байыас баар, суруйар регион салалтатын пресс-сулууспата.

Дьокуускай олохтооҕо СВО-ҕа тылланан муус устарга барбыта. 61 саастаах. Луганскай Народнай Өрөспүүбүлүкэҕэ сулууспалаабыта, штурмовиктаабыта, «За воинскую доблесть» II степеннээх мэтээлинэн наҕараадаламмыта.

Саас уҥа тарбаҕар эчэйии ылбыта, ол кэннэ «Бэс Чагда» санаторийга эмтэммитэ.

Травматологтар суһал эмтэниини анаабыттара. Н.И. Пирогов аатынан Россиятааҕы научнай-чинчийэр медицина университетыгар консультация кэнниттэн, байыаһы эпэрээссийэлээбиттэр.

Ол кэннэ байыаннай сулууспалаах усулуобуйа барыта тэриллибит «Бэс чагдаҕа» хос реабилитациятын ааһар. Санаторийга инникилээн тутуллар ньымалар туттуллаллар: физиотерапевтическай эмтэнии, ол иһигэр «ударнай-волновой» терапия, бассейн, галокамера, стабилометрическай платформа.

Эмтэнии кэнниттэн Дьокуускайыгар төннөр баҕалаах, сөбүлүүр үлэтигэр.

Следите за самым важным и интересным в Telegram-канале и WhatsApp-группе ЯСИА